Трагичен инцидент во Нигерија: Повеќе од 100 рудари биле заробени во јамата, а 15 се спасени при уривање на рудник за злато

Најмалку 100 лица загинаа при уривање на рудник за злато во нигериската држава Замфара, изјавија преживеани и жители во петокот, објави „Ројтерс“.

Јамата во рудникот Кадаури во локалната област Мару се урна во четвртокот додека десетици рудари работеа под земја, изјавија сведоци за британската агенција, а спасувачките операции продолжија денес.

Сануси Аувал, локален жител вклучен во спасувачката операција, рече дека најмалку 13 тела се извлечени од урнатините, вклучувајќи го и она на негов братучед.

Повеќе од 100 рудари биле во рудникот во моментот на уривањето, рече Аувал, додека еден од спасените рудари рече дека 15 биле спасени од јамата.

Портпаролот на полицијата во Замфара, Јазид Абубакар, не одговори на повиците за коментар, а „Ројтерс“ објави дека нелегалното рударство е честа појава во Замфара, каде што вооружени банди често контролираат полиња со злато.