Маж со иницијали Н.М. (38) и неговата тримесечна ќерка загинаа денес во тешка сообраќајна несреќа што се случи на автопатот Милош Велики во близина на Обреновац, додека неговата бремена сопруга (40) и едногодишната ќерка се хоспитализирани поради повреди, дознава Телеграф.рс.
Несреќата се случила на наплатна рампа во правец на Белград. Како што неофицијално дознава Телеграф, автомобилот во кој патувало семејството удрил во камион во лентата за запирање. Кога Н.М. излегол од Тојотата за да постави сигнал зад своето возило, бил удрен од друг автомобил, кој го убил на лице место. Потоа автомобилот удрил во Тојотата и тешко ги повредил неговата бремена сопруга и двете ќерки.
Бремената жена била пренесена во болницата во Обреновац, додека девојчињата биле префрлени во болница во Белград. Бебето им подлегнало на повредите по приемот.
