Утре, од 12:00 до 15:00 часот, на детската улица „Тоше Проески“ во Ново Лисиче во Скопје ќе се одржи музички настан насловен „Тоше, те сакаме“, во чест на Тоше Проески, кој загина во сообраќајна несреќа во Хрватска, на 16 октомври 2007.
Ќе настапат децата од градинките, училишните хорови и поп-пејачите Огнен Здравковски, Мартинијан Кириловски, Наде Талевска, Марија Спасовска, Драган Темелков, Лили Акустик, Ивона Јо, Тамара Волческа, Владимир Поповски и Васил Ангелов, кои ќе ги пеат безвремените хитови на Тоше. Ќе има и изложба на дела од основците, пишување хумани пораки на картони со Бомбакис и цртање мегаслика со РВР.
– Овој настан е искрена почит и сеќавање на човекот што остави траен белег во македонските музика и култура. Целта е да се испрати порака дека Тоше сè уште живее во нашите срца, а неговите музика и хуманост остануваат безвремен симбол на добрината, љубовта и на единството – велат од Општина Аеродром, која го организира настанот во соработка со општинските градинки и училишта.
ИЗДВОЕНИ
НЕЛОГИЧНОСТА СО ФИНАНСИРАЊЕТО ЌЕ СЕ ПОВТОРИ И НА ПРЕТСТОЈНИТЕ ИЗБОРИ: Изборите се добра тезга – десетици гласови носат десетици илјади евра!
Во последните денови од кампањата се вадат најјаките адути: И Бранко се јави
САШО МАНЕВСКИ, КАНДИДАТ НА ГРУПА ИЗБИРАЧИ ЗА ГРАДОНАЧАЛНИК НА ГРАД СКОПЈЕ: Ќе ги тргнам неспособните партиски директори на јавните претпријатија и ќе поставам професионалнци
АДВОКАТ ЗВОНКО ДАВИДОВИЌ ЗА ИЗВЕШТАЈОТ ОД ВЕНЕЦИЈАНСКА КОМИСИЈА: Мал чекор до вистинска независност на правосудството
