На 16 октомври од 12 до 15 часот, на детската улица „Тоше Проески“ во Ново Лисиче во Скопје ќе се одржи музички настан насловен „Тоше те сакаме“, во чест на Тоше Проески, кој загина во сообраќајна несреќа во Хрватска на 16 октомври 2007.
Ќе настапат деца од градинките, училишни хорови и поп-пејачите Огнен Здравковски, Мартинијан Кириловски, Наде Талевска, Марија Спасовска, Драган Темелков, Лили Акустик, Ивона Јо, Тамара Волческа, Владимир Поповски и Васил Ангелов, кои ќе ги пеат безвременските хитови на Тоше. Ќе има и изложба на дела од основците, пишување хумани пораки на картони со Бомбакис и цртање мегаслика со РВР.
„Овој настан е искрена почит и сеќавање на човекот кој остави траен белег во македонските музика и култура. Целта е да се испрати порака дека Тоше сè уште живее во нашите срца, а неговите музика и хуманост остануваат безвременски симбол на добрината, љубовта и единството“, велат од Општина Аеродром, која го организира настанот во соработка со општинските градинки и училишта.
ИЗДВОЕНИ
Плаќаме парно, а се грееме под ќебе!
НОВИ ПРЕДЛОЗИ ЗА ВЕРСКО ОБРАЗОВАНИЕ ВО УЧИЛИШТАТА: Етиката во религиите задолжителен изборен предмет?
КАЈА ШУКОВА, КАНДИДАТКА ЗА ГРАДОНАЧАЛНИЧКА НА ГРАД СКОПЈЕ ОД КОАЛИЦИЈАТА ПРЕДВОДЕНА ОД СДСМ: Градот е чист онолку колку што му овозможуваат институциите на граѓанинот да биде совесен
ИЗБОРНАТА ТРКА ВЛЕГУВА ВО ПОСЛЕДНИТЕ 72 ЧАСА: Фрчат ветувања за сè и сешто, па дури и за картички за попусти, парични повојници, стипендии…
