Во време кога луѓето не прашуваа многу дали десертот е од Белград, Загреб, Сараево или Скопје – туку само „има ли уште“, тортата Братство и единство беше редовен гостин на прослави, родендени и училишни настани.
Немаше интернет, немаше глутен, немаше калории – барем не во приказната. Имаше само заедничка маса и чинија што се враќаше празна по секое парче.
Иако рецептот е едноставен, оваа торта ја носи тежината на една ера. Не поради комплицираните чекори, туку поради слоевите спомени што ретко се мерат со вага денес – повеќе со срце.
Потребни состојки:
за кората:
6 јајца
6 лажици шеќер
6 лажици мелени ореви
1 лажица брашно
за филот:
250 гр путер
6 жолчки
12 лажици шеќер во прав
150 гр мелени бисквити
100 гр мелени ореви
150 мл овошен сок (по желба – портокал, цреша…)
50 гр бело чоколадо
50 гр темно чоколадо
за шамот:
300 гр шеќер
2 чаши вода
6 белки од јајца
Начин на подготовка:
Прво подгответе ја кората. Одделете ги жолчките од белките. Матете ги белките додека не добиете цврста смеса, постепено додавајте го шеќерот, а потоа жолчките една по една. Додајте ги оревите и брашното, нежно соединете со шпатула. Истурете ја смесата во премачкан калап и печете во претходно загреана рерна на 180°C околу 20 минути. Потоа направете го филот. Изматете го омекнатиот путер со шеќерот во прав. Додајте ги жолчките од јајцата, мелените бисквити, оревите, стопеното чоколадо и овошниот сок. Добро измешајте додека не добиете мазна крема. Премачкајте ја изладената кора со филот и ставете ја во фрижидер да се стегне. На крајот, доаѓа шлагот. Во тенџере загрејте го шеќерот и водата додека не добиете густ сируп. Матете ги белките додека не се формираат цврсти врвови, а потоа постепено додајте го топлиот сируп, мешајќи постојано додека не добиете цврста, сјајна маса. Премачкајте ја смесата врз тортата и декорирајте по желба.
