„Тоа се двајца кловнови што зборуваат сè и сешто“

Кошаркарот на Анадолу Ефес, Шејн Ларкин, ги нарече своите критичари „кловнови“ и „бедни луѓе“. Тој истакна дека не бил доволно здрав за да игра во Купот на Турција, обвинувајќи ги медиумите дека го напаѓаат неговиот имиџ за сензација и дека не ја знаат вистината за неговата состојба.

По турнирот, поранешниот турски кошаркар, Ибрахим Кутлај, изјави дека Пабло Ласо сакал да го вклучи Ларкин на натпреварот против Бешикташ во полуфиналето, но дека тој не сакал да влезе.

• Токму затоа никогаш не требало да бидам во составот за Купот. Бидејќи не сум доволно здрав за да играм, а обидот да бидам со тимот лесно може да се протолкува дека да не сакам да играм. Потоа добивате двајца кловнови што едвај чекаат да го кажат моето име за сензација и за внимание. Тие зборуваат глупости и немаат поим каква е вистинската ситуација. Ако некој навистина го знае мојот карактер и низ што поминав низ годините за да можам воопшто да играм, тогаш нека ми суди врз основа на вистината. Но, кога ќе им дозволите на медиумите да го контролираат наративот, ова е она што го добивате. Ако треба некој нешто да знае, тоа е мојот тим. И ние ја знаеме вистината. Два лика што се обидуваат да останат релевантни за приказната, никогаш не може да ја дознаат. Напаѓањето на мојата личност е нешто што никогаш нема да го дозволам. Им дадов сè на мојот клуб и на турската кошарка. Играв повреден, го доведував моето тело до крајни граници, со години. Сè што е кажано спротивно на тоа е само барање внимание и провокација. Луѓето што зборуваат за другите само во нивните најлоши моменти се патетични и завидливи. Кога играм добро и правам сè што можам за да победам за мојот клуб или за репрезентација, тишина, ниту еден добар збор. Но, штом ќе се случи лош момент, тие се најгласни во просторијата. Ако не ви се допаѓам, кажете го тоа. Но, критикувањето и доведувањето во прашање на нечиј карактер поради повреда што барала операција, кога сè уште не е целосно заздравен и користењето на тоа за плукање е патетично. Како спортисти, особено како поранешни спортисти, би помислиле дека е поентата да се кажат вистината и реалноста, да се објасни низ што минуваат спортистите. Но, се чини дека нивната цел е да создадат негативна слика за мене на секој чекор. Вистината е дека сакав да бидам тука за моите соиграчи и да им помогнам на кој било начин, дури и ако тоа значеше да не можам да играм, бидејќи ќе го ризикував моето здравје. Тоа е вистината – вели Ларкин, меѓу другото.