Рускиот и украинскиот претседател Владимир Путин и Володимир Зеленски се „мразат“ толку многу што тоа им го попречува дијалогот, изјави американскиот претседател Доналд Трамп за новинарите.
„Тие се мразат толку многу што едвај можат да разговараат, не се способни да разговараат еден со друг“, рече Трамп, коментирајќи ја можноста за трилатерален состанок, на кој претходно се заложи.
U.S. President Donald Trump:
"The hatred between Zelenskyy and Putin is unfathomable."#USA #DonaldTrump #Ukraine️ #UkraineRussiaWar #Russia pic.twitter.com/Pgxc5rq0Ku
— Ulfh3dnar (@Ulfh3dnar_) September 15, 2025
Според Трамп, тој веројатно ќе мора самиот да го води процесот на преговори поради односот што се разви меѓу неговите руски и украински колеги.
Во исто време, тој оцени дека трилатералниот самит на кој ќе учествуваат Путин и Зеленски би можел да се одржи „релативно наскоро“.
Американскиот претседател Доналд Трамп во неделата ја повтори својата подготвеност да воведе нови санкции врз Русија, но постави јасен услов – посилен одговор од европските земји и сојузниците од НАТО. Во разговор со новинарите, Трамп нагласи дека американските акции зависат од потезите на Европа, критикувајќи ги сојузниците за она што тој го смета за недоволен придонес кон заедничката безбедност.
„Санкциите што ги воведуваат не се доволно строги. Јас сум подготвен да воведам санкции, но тие ќе мора да ги заострат своите санкции пропорционално на она што го правам“, додаде тој.
Овој став, кој тој го условува со американска акција, е тема што се повторува во неговата политика. „Тие не си ја вршат работата. НАТО мора да се обедини. Европа мора да се обедини“, рече тој, додавајќи дека „не може да се очекува од нас да бидеме единствените што одат напред со полна пареа“.
