Шпанскиот тенисер Алехандро Давидович Фокина имаше многу пофални зборови за Жоао Фонсека, кој го победи во финалето на турнирот во Базел. Во борбата за пехарот на турнирот од серијата 500, Бразилецот лесно триумфираше со 6:3, 6:4. И покрај поразот, поискусниот Шпанец го пофали, најавувајќи дека тој е следниот Новак Ѓоковиќ.
„Играше неверојатен тенис. Ти си вистинската личност за овој спорт. Имаш светла иднина пред тебе. Ќе бидеш следниот Новак Ѓоковиќ, кој сигурно ќе ги победи Карлос и Јаник“, рече Фокина.
Паралелата е јасна, Фонсека ќе излезе од сенките покрај Синер и Алкараз, исто како што направи Ѓоковиќ во редовите на Надал и Федерер.
Со оваа титула, Жоао стана најмладиот играч од Јужна Америка во Отворената ера (19 години, 60 дена) кој освоил АТП титули на различни подлоги во иста сезона, надминувајќи го Аргентинецот Хуан Мартин Дел Потро (19 години, 315 дена).
Фонсека сега се свртува кон поголеми турнири, а првиот на кој учествува е последниот мастерс во сезоната во Париз, а негов прв ривал ќе биде Денис Шаповалов, кого веќе го победи во Швајцарија.
