Тетовските и скопските пожарникари се справија со огнот во атарот на селото Желино

68

Пожарот кој вчера изби на територијата на општина Желино во атарот на селото Церово, а подоцна во вечерните часови се проширил во насока на месноста Карпалак покрај автопатот Скопје – Тетово, е целосно изгаснат.

Како што изјави директорот на Дирекцијата за заштита и спасување, Стојанче Ангелов, врз огнот од тетовската страна дејствувала Територијалната противпожарна единица – Тетово, а од скопската страна Бригадата за противпожарна заштита на град Скопје.

Тој упати голема благодарност до тетовските и до скопските  пожарникари кои во ноќните часови успеале да го изгаснат овој голем пожар кој во делови бил на тешко пристапен терен.

Според информациите од Центарот за управување со кризи (ЦУК), на територијата на државата денеска до пладне биле регистрирани пет пожари на отворен простор, од кој нема ниту еден активен.

Под  контрола е пожарот во општина Македонски Брод кај  НП „Јасен“ каде гори мешана шума и во општина Гевгелија на планината Кожуф.

Од ЦУК упатија апел до сите граѓани за поголема внимателност и одговорно однесување, со цел зачувување на природата и, како што велат, обезбедување сигурна иднина на нашите деца.

Подметнат пожар на локалитетот Мушов гроб  

Поради подметнат пожар на локалитетот Мушов гроб вчера биле мобилизирани сите надлежни служби на терен. На местото веднаш интервенирале и екипите од ТППЕ Кавадарци.

– Со координирани активности работат на локализирање и целосно ставање под контрола на пожарот. Ситуацијата е под постојан надзор сè до негово конечно згаснување – соопшти градоначалникот на Општина Кавадарци, Митко Јанчев.

 

 

ИЗДВОЕНИ