На првиот ден од војната на Иран со САД и Израел, евидентиран е сериозно воено злосторство. Најмалку 85 девојчиња беа убиени, а 96 ранети во бомбардирањето на основно училиште за девојчиња во Минаб, град во јужен Иран, според тврдењето на локалниот обвинител.
Иранската новинска агенција Тасним прикажа снимки од местото на спасувачката операција за извлекување на детски трупови, училишни чанти и инвентар од урнатините на училиштето. Според нивните извештаи, бројот на убиени во нападот може да надмине 100, а тие тврдат дека училишната зграда била погодена од израелски авиони.
„Уништената зграда е основно училиште за девојчиња на југот на Иран. Беше бомбардирана сред бел ден, кога беше полна со млади ученици. Десетици невини деца беа убиени само на ова место. Овие злосторства против иранскиот народ нема да останат без одговор“, предупреди шефот на иранската дипломатија, Абаз Аракчи, на платформата X, објавувајќи фотографија од училишната зграда со чад што се издига од неа.
The destroyed building is a primary school for girls in the south of Iran. It was bombed in broad daylight, when packed with young pupils.
Dozens of innocent children have been murdered at this site alone.
These crimes against the Iranian People will not go unanswered. pic.twitter.com/AVqiuolgWm
— Seyed Abbas Araghchi (@araghchi) February 28, 2026
„Нашите моќни вооружени сили се подготвени за овој ден и ќе им ја одржат лекцијата на агресорите што ја заслужуваат“, се закани Аракчи, претходно изјавувајќи дека и покрај израелско-американските напади, неговата земја нема да се откаже од својата програма за збогатување ураниум.
Военото раководство им се закани на сите земји во регионот од чиј воздушен простор и воени бази се вршат напади. Ирански беспилотни летала, најверојатно од типот „Шахид 136“, го погодија меѓународниот аеродром во Кувајт, висока зграда и неколку станбени згради во главниот град на Бахреин, Манана, како и згради во близина на луксузниот хотел Бурџ Калифа во Дубаи.
