Денеска околу 17 часот пријавена е сообраќајна незгода помеѓу две патнички возила на патот А1 Прилеп – Росоман во близина на село Радобил. Од несреќата пет лица се здобиле со повреди, од кои три се пренесени во болница во Прилеп, а две во болница во Кавадарци, а лекар констатирал смрт кај две лица, информираа вечерва од МВР.
Оттаму соопштија дека од 18 часот сообраќајот се одвива по една коловозна лента со наизменично пропуштање на возилата.
-Со детали соодветно ќе ја известиме јавноста по завршувањето на увидот – додадоа од МВР.
