Израелскиот опозициски лидер Јаир Лапид во петокот ја нарече одлуката на безбедносниот кабинет за преземање на контролата врз Газа „катастрофа“ што „ќе доведе до многу други катастрофи“.
Тој напиша на платформата X дека планираното преземање на најголемиот град во Појасот Газа ќе доведе до смрт на заложници, како и до смрт на многу израелски војници.
Премиерот Бенјамин Нетанјаху е под притисок од неговите крајно десничарски коалициски партнери Итамар Бен-Гвир и Безалел Смотрих, и покрај приговорите од военото раководство, додаде Лапид.
Двајцата крајно десничарски министри се залагаат за целосно преземање на Појасот Газа и протерување на околу два милиони Палестинци кои живеат таму.
Безбедносниот кабинет го одобри планот за преземање на контролата врз Газа рано во петокот.
Пред почетокот на состанокот, Нетанјаху за американскиот „Фокс њуз“ изјави дека Израел сака да ја заземе целата крајбрежна енклава, но нема намера трајно да ја окупира областа, туку само сака да ја ослободи од исламистичката организација Хамас и на крајот да ја предаде на други за управување.
