Десеткратната шампионка на ИТФ турнирите во поединечна конкуренција, Австралијката Дестани Аиава, го спореди тенисот со „токсично момче“, а потоа се збогува од овој спорт. Таа го објави своето непосредно пензионирање од тенисот во остра изјава во која го нарече спортот по природа „расистички, мизогинистички и хомофобичен“.
- Сакам да испратам огромен поздрав до сите во тениската заедница кои некогаш ме натерале да се чувствувам помалку достојна. Да им се пожалам на луѓето што седат зад екраните на социјалните мрежи, коментирајќи за моето тело, мојата кариера или што и да сакаат да ме малтретираат, и да му се пожалам на спортот што се крие зад таканаречените вредности на класа и џентлменство. Зад белата облека и традицијата лежи култура што е расистичка, мизогинистичка, хомофобична и непријателска кон секој што не се вклопува во калапот, рече Австралијанката во нејзината долга, полна со пцовки исповед.
И покрај нејзиниот презир кон спортот, австралиската тенисерка Аиава ќе го напушти спортот горда на фактот дека била инспирација за младите играчи.
- Длабоко сум почестена што можев да ги инспирирам младите момчиња и девојчиња кои изгледаат како мене да не се плашат да ги следат своите соништа – без разлика како изгледа просторијата. Без вас, немаше да ме има. Горда сум што бев една од ретките што ги видовте на сцена која не беше изградена за нас, рече 10-кратната ИТФ шампионка чиј најдобар пласман на ранг-листата на ВТА беше
