Утрово во Македонија се измерени температури под нулата, но синоптичарите за денеска најавуваат сончево време со максимална температура до 16 степени.
Најниска утринска температура е измерена во Берово и Попова Шапка (-5 степени), како и во Маврови Анови, Демир Капија, Крушево, Крива Паланка и Скопје – Петровец каде се измерени -4 степени. Во Струмица, Претор, Штип и Прилеп се измерени -3 степени, а во Велес, Охрид, Тетово и Виница -2 степена. На Зајчев Рид во Скопје, Пожаране, Тополчани се измерени -1 степен, а во Гевгелија нула степени.
Најавите од синоптичарите се дека времето до крајот на неделата ќе биде сончево. Денеска во западните делови ќе дува слаб до умерен ветер претежно од јужен, а во источните делови од северозападен правец. Максималната температура ќе биде во интервал од 9 до 16 степени.
Во Скопје, претпладне претежно облачно, а попладне сончево со умерена облачност. Ќе дува слаб ветер од променлив правец. Максималната температура ќе достигне до 11 степени.
ИЗДВОЕНИ
Се појави на граничниот премин „Блаце“: Приведен Артан Груби
Украина станува земја на вдовици и сирачиња: „Ова е катастрофа, ниедна земја не може да опстане без луѓе“
НАЈАВИТЕ ЗА ЗАБРЗАНА ИНТЕГРАЦИЈА ВО ЕУ НОСАТ ДИЛЕМИ: Може ли членството во ЕУ без право на глас да биде крај на булингот врз Македонија?
Интервју за ВЕЧЕР (и порталот vecer.press) со популарниот поп-пејач, Влатко Лозаноски-Лозано, пред неговиот голем скопски концерт во „Борис Трајковски“
