Општина Центар кани на тематска прошетка „Постземјотресни обележја во Центар“ посветена на бруталистичката архитектура во Скопје – стил кој го обликуваше идентитетот на градот по земјотресот и сè уште предизвикува љубопитност и восхит.
Прошетката е закажана за в сабота со почетокот во 11:00 часот од пред плочникот кај Градски ѕид, на булевар „Илинден“
– Заедно ќе истражиме некои од најимпресивните обележја во самиот центар на Скопје, откривајќи ја нивната историја, значење и улога во урбаниот развој на градот – нагласуваат од Општина Центар.
Турата ги опфаќа следните локации: Градски ѕид – станбен комплекс што го обликува централното јадро, Пошта – еден од најиконичните објекти во Скопје, смел по форма и визија, Градскиот трговски центар – модернистички пазар и место за средби, Македонската академија на науките и уметностите (МАНУ) – интелектуалното и архитектонско срце на обновата по земјотресот и Новата железничка станица – футуристички влез во градот.
Водич низ турата е Бојана Јанева.
Турата е дел од Програмата за култура на Општина Центар за 2025 година и е отворена за сите жители на Општина Центар.
ИЗДВОЕНИ
Мирослав Лабудовиќ, кандидат за градоначалник на Центар од ЗНАМ: Центар мора да биде општина на пешаци, велосипедисти и среден јавен превоз, а не центар на сообраќаен хаос!
Второ полувреме од изборната трка, комуниколозите и аналитичарите согласни: Предизборен ‘дежа ву’ – многу врева малку идеи
Афионот се враќа на нивите, може ли да предизвика ренесанса во македонскиот аграр?
Се уриваат рекорди на македонските патишта, 18.458 фатени без дозвола
