Мајк Тајсон и Флојд Мејведер наводно ќе се соочат на егзибициски боксерски меч во 2026 година. Иако настанот е обвиен во тајност и засега нема многу детали, организаторот ги потврди клучните информации, објавува „Гив ми спорт“.
Според објавата, Тајсон, кој во тоа време ќе има 59 години, и Мејведер (48) ќе се борат на меч опишан како „еднаш во животот, легенда против легенда“.
- Флојд рече „да“. Оваа борба е нешто за кое ниту светот ниту јас некогаш помислувавме дека ќе се случи или може да се случи. Сепак, боксот влезе во нова ера на непредвидливост, а оваа борба е најнепредвидливата што може да биде. Сè уште не можам да верувам дека Флојд навистина сака да го направи тоа. Ќе биде штетно за неговото здравје. Но, тој сака да го направи тоа, па затоа е потпишано и се случува – рече Тајсон.
Од друга страна, и Мејведер потврди за борбата, не покажувајќи никаква загриженост.
- Го правам ова 30 години и немаше ниту еден борец што можеше да го оцрни моето наследство. Веќе знаете дека ако треба да направам нешто, тоа ќе биде големо и легендарно. Јас сум најдобар во боксерскиот бизнис. Оваа егзибиција ќе им го даде на обожавателите она што го сакаат – рече тој.
Веста за борбата беше изненадување за поголемиот дел од боксерската индустрија, бидејќи имаше мала побарувачка за таква борба. Набрзо следуваа реакции од клучните играчи, кои, веројатно, не беа она што го посакуваа Тајсон и Мејведер.
Дејв Портној, сопственикот на „Барстол спортс“, кој ги промовира борбите под името „Раф ен реди “, беше меѓу првите што го прогласија спортот за мртов, преку Интернет. Лу ди Бела, истакнат телевизиски и извршен директор за промоција на боксот, се согласи, велејќи дека вистинскиот спорт е мртов.
