Тајсон Фјури не издржа долго во пензија, се враќа во борба што ќе го крене целиот свет на нозе

Британскиот боксер Тајсон Фјури, очигледно, се враќа во рингот. Иако нема официјална потврда, неговите блиски соработници се доволен доказ дека се подготвува нешто големо. Поранешниот шампион објави дека бил со својот татко, Џон, на голем состанок, а потоа, заедно со фотографија со менаџерот Спенсер Браун, објави: „Постигнат е договор“.

Многу обожаватели на боксот веруваат дека е ова најава за враќање во рингот. Ентони Џошуа е предизвикот што го чека целиот свет. Двајцата поранешни шампиони често се поврзуваа во минатото. Сепак, никој не успеа да го организира овој меч.

Сега, Саудиска Арабија е вклучена во боксот. Богатите шеици трошат огромни суми пари и се подготвени да платат цело богатство за меч помеѓу Фјури и Џошуа.

Фјури (36) не сака да ја пропушти дополнителната можност за заработка. Цифрите сигурно нема да бидат мали, а Џошуа е во голем пад и би имал шанса да се врати на сцената со стил.

Џипси Меџик е во серија од два пораза, кои ги претрпи минатата година, од Украинецот Александар Усик. По тоа, тој реши по петти пат да се збогува со боксот.

Од друга страна, Ентони Џошуа доживеа тежок нокаут во септември минатата година, во борбата за појасот на IBF против Даниел Дубоа. Сепак, тој е доволно голема ѕвезда за сè уште да продава борби и сите сакаат да го видат како се соочува со Фјури.

Во својата одлична кариера, Фјури има скор од 34 победи, од кои 24 со нокаут, два пораза и едно реми. Еј-Џеј оствари 28 победи во 32 борби, од кои 25 завршија со нокаут. Четирите порази беа многу болни и практично му ја уништија кариерата.

Се претпоставува дека сè ќе биде организирано од Саудиска Арабија, бидејќи без нејзините милиони, нема приказна.