СЗО: Заразните болести во Газа „излегуваат од контрола“

Светската здравствена организација (СЗО) денес предупреди дека заразните болести во Појасот Газа „излегуваат од контрола“, при што само 13 од 36 болници на територијата делумно функционираат.

„Без разлика дали станува збор за менингитис… дијареја, респираторни заболувања, зборуваме за огромна количина на работа“, рече Ханан Балки, регионален директор на здравствената агенција на ОН.

Во посебна изјава, СЗО соопшти дека ги зголемила испораките на медицинска опрема до здравствените установи откако стапи на сила прекинот на огнот во Газа.