Поранешниот селектор на српската кошаркарска репрезентација, Светислав Пешиќ, сè уште е лут поради бројните критики што ги доби за време на Евробаскетот 2025. Ова обично е случај кога не се постигнува резултат, и кога се случува „голем неуспех“, па затоа имаше многу лоши зборови против него, како и против неговите кошаркари.
Искусниот тренер зборуваше за ова на „Меѓународниот саем на книгата“ во Белград, каде што ја претстави својата автобиографска книга „Мојата игра, мојот пат“, и се обрати на публиката на тема што сè уште го боли и го лути до ден-денес.
- Бевме исмејувани, а сега ни се потсмеваат луѓе што не ја сакаат кошарката, тие ја користат само за сопствена промоција без да ја гледаат од друг агол. Да се добие привилегија, да речеме, да се дискутира за кошарка, а да не се знае како да се искористи за да се турка напред вашиот спорт со сите критики и пофалби. Навредувањето на играчкиот и на тренерскиот тим е одвратно, истакна Пешиќ, а пренесе „Спорт клуб“.
