Денеска се одржа свечен настан по повод отворањето на новата училишна зграда на ООУ „Блаже Конески“ во Мичурин.
– Овој ден е исполнет со посебна енергија, емоции и со многу голема надеж. ООУ „Блаже Конески“ со децении е вистински расадник на успешни приказни и генерации. На големо задоволство на сите, дел од тие поранешни ученици беа присутни и заедно го одбележаа овој значаен момент, полн со гордост и со верба во уште поголеми успеси – соопштија од Општина Аеродром.
Оттаму додаваат дека учениците и наставниците започнуваат ново поглавје во современо, безбедно и инспиративно училиште, изградено според највисоките стандарди.
– Општина Аеродром и понатаму им останува силно посветена на развојот и на унапредувањето на образованието, затоа што токму тука се гради иднината на нашите деца – потенцираат од локалната самоуправа.
