Западна Словенија, по должината на границата со Италија, вчера попладне беше погодена од силна бура што се движеше кон исток во попладневните часови.
Невремето го погоди подрачјето на Бовац и Кобарид, а потоа се движеше кон Крањ и Камник. Во Љубљана, силните ветрови со кратки врнежи од дожд кршеа гранки и предизвикаа штета на некои згради.
На подрачјето на главниот град на Словенија, повеќе од 6.000 корисници останаа без електрична енергија, најмногу во областите Хорјул, Полхов Градец, Домжале, Литија и Грошупље.
Силниот ветер корнел дрвја и на други места, а поради дрвја на патот, сообраќајот е во прекин на автопатите Долењска и Приморска, како и на јужната и западна Љубљанска обиколница, соопшти сообраќајниот информативен центар, повикувајќи ги возачите да бидат претпазливи.
Бурата се движи кон Штаерска, а според метеоролозите, веројатно ќе ослабне по патот.
Невремето зафати и делови од Хрватска.
Агенцијата за заштита на животната средина издаде портокалово предупредување за западната половина од земјата, централна Словенија и југоистокот на земјата поради бури.
ИЗДВОЕНИ
ИЗБОРОТ НА КАНДИДАТИ ЗА ОКТОМВРИСКИТЕ ИЗБОРИ НАЈАВУВА ЖЕСТОКИ ДУЕЛИ: Поранешен и актуелен вицепремиер во битка „за сè или ништо“ за Чаир
Првообвинетата докторка се спогоди, три ипол години затвор и да врати 15 илјади евра
Контроверзен сведок во случајот против обезбедувачот на премиерот?
Ако три месеци чекавме за една, колку време ќе чекаме за пет потрошувачки кошници?
