Викендов ќе се одржи првиот „Стрит фуд пикник“ под отворено небо, во Паркот на франкофонијата.
Утре, в сабота и в недела, посетителите ќе уживаат во десет штанда со разновидна улична храна, креативни работилници за деца, посебно катче за милениците – пет корнер, социјални игри за дружење и смеа, како и богата музичка програма во текот на целиот ден и вечерна забава.
Градоначалникот на Општина Центар ги кани сите љубители на гастрономијата да дојдат и заеднички да уживаат во добрата храна, музиката и во дружењето.
