Силен земјотрес со јачина од 6,2 степени според Рихтеровата скала денеска го погоди регионот на Истанбул во Турција. Епицентарот на земјотресот во Турција е соопштено дека е на длабочина од 12 километри, во Мраморното Море, западно од Босфорот.
Зградите се тресеа, а материјалните штети беа големи, тлото не престана да се тресе речиси еден час по првиот земјотрес. Граѓаните во паника бараа засолниште, а иако тлото неколку пати се тресеше, засега нема информации за повредени или жртви.
Пред 26 години, на 17 август 1999 година, во 03:01 часот по локално време, разорен земјотрес со јачина од 7,6 степени според Рихтеровата скала ја погоди северозападна Турција, оставајќи зад себе уништување од епски размери. Епицентарот бил во близина на градот Измит, а земјотресот траел 37 секунди.
Епицентарот на земјотресот бил на само 50 километри од Истанбул, а периферниот, односно надворешниот дел на Истанбул исто така претрпел големи разурнувања.
Според официјалните податоци, загинале 18.373 луѓе, додека речиси 50.000 биле повредени. Повеќе од 250.000 луѓе останаа без покрив над главата, а проценките на штетите достигнаа 20 милијарди долари. Најтешко беа погодени градовите Измит, Голчук, Јалова и Истанбул, а особено страшна беше ситуацијата во населбата Авчилар каде загинаа околу 1.000 луѓе.
Земјотресот предизвика пожар и во рафинеријата Тупрас, кој траеше пет дена. За жал, земјотресот предизвика и цунами високо 2,6 метри, а загинаа 155 лица.
Последователните потреси продолжија да го тресат регионот со недели, дополнително зголемувајќи го бројот на загинати и комплицирајќи ги спасувачките напори. Оваа трагедија останува една од најсмртоносните природни катастрофи во историјата на модерна Турција, а последиците се чувствуваат и денес, и преку реконструкција и преку сеќавања.
Оваа трагедија не само што однесе човечки животи, туку предизвика и огромни економски загуби, чии последици се уште се чувствуваат.
Во февруари 2023 година, разорни земјотреси со јачина од 7,8 и 7,5 степени според Рихтеровата скала ја погодија југоисточна Турција и северозападна Сирија, оставајќи повеќе од 59.000 мртви во Турција и околу 6.000 во Сирија.
ИЗДВОЕНИ
„Тука сум, не бегам од одговорност!“
„Прошка нема, правда за нашите ангели мора да има“
Интервју со Слободан Трендафилов, претседател на ССМ – Работниците заслужуваат повисоки плати, не може патните трошоци на функционерите да се поголеми од минималецот!
Мириса на избори – кој ќе ја освои Македонија наесен?!
