Страотна несреќа во морето кај Западна Африка: Над 70 лица загинаа откако се преврте брод со мигранти

Најмалку 70 лица загинаа откако брод со мигранти се преврте покрај западниот брег на Африка, соопшти Министерството за надворешни работи на Гамбија.

Се стравува дека уште 30 лица се мртви откако бродот, за кој се верува дека отпловил од Гамбија и во кој превезувал претежно државјани на Гамбија и Сенегал, потона покрај брегот на Мавританија во среда, 27 август.

Се проценува дека на бродот имало 150 лица, од кои 16 биле спасени.