Во ноември 2025 година, Македонија ја посетиле 77.570 туристи, кои оствариле 146.605 ноќевања, покажуваат податоците на Државниот завод за статистика. Од вкупниот број туристи, 25,7 % биле домашни, додека 74,3 % странски.
Најмногу странски туристи во ноември дошле од Турција – 12.401, потоа следуваат Германија – 11.812, Србија – 3.793 и Грција – 3.506. Од вкупните ноќевања во ноември, 33,9 % биле од домашни, а 66,1% од странски туристи.
Во периодот јануари – ноември 2025 година, во однос на тој период од претходната година, вкупниот број туристи се зголемил за 6 %, со тоа што кај домашните туристи било забележано намалување од 2,5 %, додека кај странските туристи имало раст од 10,3 %. Вкупниот број ноќевања за тој период се зголемил за 0,8 %, при што домашните туристи оствариле пад од 4,3 %, а странските зголемување од 6,9 %.
Растот на странски туристи ги истакнува значењето на интернационалната промоција на земјата и потенцијалот на туристичкиот сектор за економски развој, особено во регионите со атрактивни природни и културни дестинации.
ИЗДВОЕНИ
Не е само до јајцата, треба да поевтинат и другите производи
Лазаров ја избрал „седумката“ поради хрватската легенда и пријателот на татко си
Арбр Адеми за учеството на лидерската средба: ДУИ е за суштински дијалог, дневниот ред е опширен
Полицијата објави меѓународна потерница по Саит Саитов кој избега по ударот во жената- пешак во Капиштец
