Американскиот Стејт департмент „ќе преземе соодветни мерки“ против странците во САД кои „ја слават, одобруваат или се потсмеваат“ на смртта на Чарли Кирк, изјави во четвртокот заменик-државниот секретар Крис Ландау.
Ландау посочи дека тие мерки би можеле да вклучуваат одземање на визите. Администрацијата беше агресивна во одземањето на визите, особено за студентите поврзани со протестите против војната во Газа.
„Во светлината на вчерашното ужасно убиство на истакнат политички лидер, сакам да нагласам дека странците кои го величаат насилството и омразата не се добредојдени посетители во нашата земја“, напиша Ландау во објава на својот официјален X профил.
„Згрозен сум кога гледам како некои на социјалните мрежи го слават, оправдуваат или се потсмеваат на настанот и им наложив на нашите конзуларни службеници да преземат соодветни мерки“, рече тој. „Слободно обраќајте ми се на ваквите коментари од странци за да може Стејт департментот да го заштити американскиот народ.“
ИЗДВОЕНИ
ДВА ДЕНА ПРЕД ИСТЕКОТ НА РОКОТ ЗА ПОДНЕСУВАЊЕ КАНДИДАТУРИ: Ливчето за избор на скопски градоначалник со петнаесетина имиња?
Нема чаре за токсичниот воздух – времени мерки сега, трајни по избори
Поскапеа и задоволствата, за цигари и кафе дневно 500 денари
За живеачка во Скопје, на едно четиричлено семејство му требаат две илјади евра месечно
