Швајцарскиот пар Фрањо фон Алмен и Танги Неф го освоија златото во машката тимска скијачка комбинација на ЗОИ, која вклучуваше натпреварување во спуст и слалом. Швајцарија победи со вкупно време од 2:44,04 минути, при што Фон Алмен заврши четврти во спуст, а Неф имаше најбрзото време во слалом.
Австрискиот тим Винсент Крихмајр и Мануел Фелер го поделија среброто со швајцарскиот дуо Марк Одермат и Лоик Мејард. Тие имаа 99 стотинки побавно време од победниците. Медалот им припадна и на австрискиот пар Рафаел Хасер и Михаел Мат.
Ова е второ злато за Фон Алмен на овие Игри, откако победи во спуст, додека за Танги Неф ова е најголемиот успех во неговата кариера. Фон Алмен така стана првиот спортист на овие Игри што освоил два златни медали.
Фон Алмен стана популарен на Игрите во Милано и Кортина откако во едно интервју кажа дека преку лето работи на градилиште како столар, а во зима се натпреварува во Светскиот скијачки куп.
Најголеми губитници во комбинацијата беа Италијанците. Џовани Францони беше убедливо најбрз во спустот, но Алекс Винацер не можеше да се справи со притисокот во слаломот, па мораа да се задоволат со седмото место.
