„Старлинк“ сателит експлодираше и неконтролирано се движи кон Земјата

Сателитот во мрежата Starlink на SpaceX претрпе сериозен технички дефект и во моментов неконтролирано се спушта кон Земјата, потврди компанијата.

Според SpaceX, сателитот, означен како Starlink-35956, ја изгубил комуникацијата додека бил во ниската Земјина орбита, на надморска височина од околу 418 километри. По дефектот, забележано е нагло намалување на орбитата, како и испуштање на гориво од погонскиот систем, што довело до дестабилизација на вселенското летало.

Според достапните податоци, во близина на сателитот се регистрирани и неколку помали објекти, што укажува на можен внатрешен дефект или енергетски инцидент, а не на судир со друг вселенски објект. Компаниите што го следат вселенскиот отпад велат дека засега нема докази за судир.

„Спејс Екс“ соопшти дека сателитот моментално се врти надвор од контрола и се очекува повторно да влезе во атмосферата на Земјата во наредните недели, каде што целосно ќе изгори. Компанијата соопшти дека настанот не претставува закана за Меѓународната вселенска станица или другите активни сателити.

„Спејс Екс“ соопшти дека ја следи ситуацијата во соработка со надлежните вселенски агенции и работи на подобрување на безбедносните системи за да се минимизираат слични инциденти во иднина.