Дотраениот колекторски систем, стар околу четири децении, кој е во голема мера нефункционален, не може да го спречи излевањето нечистотии во езерските води. Научната заедница во Македонија упати апел дека на Охридското Езеро му се случуваат забрзано загадување и истребување на живиот свет, а институциите не преземаат речиси ништо за да го спречат тоа.
Тие нагласуваат дека покрај отпадните води и фекалиите, проблемот дополнително го влошуваат и сè поголемиот број нелегални градби покрај самото крајбрежје, како и зголемениот број пловни објекти што го деградираат уникатниот екосистем.
На итната потреба од заштита на водите на Охридското Езеро од загадување со години наназад предупредува и УНЕСКО во речиси сите свои извештаи.
Загриженост за состојбата изрази и претседателката Гордана Сиљановска-Давкова, која предложи донесување лекс специјалис за Охрид и регионот, со кој би се овозможила суштинска и трајна заштита на природното и на културното богатство.
ИЗДВОЕНИ
Сообраќајките ја чинат државата повеќе од 400 милиони евра годишно, повеќе од целиот армиски буџет
Крената Шенген-рампата и за камионџиите и за автобусчиите
Децата цел на разбојници – ќе се врати ли „маалскиот полицаец“ да нè чува?
Убава вест од Брисел: Професионалните возачи ќе можат да влегуваат во Шенген зоната без да им се бројат деновите за престој!
