Полицијата уапси 11 лица од областите Велика Плана и Белград под сомнение за сторени кривични дела здружување со цел извршување кривични дела, расна и друга дискриминација и шпионажа, објави денес српското Министерство за внатрешни работи, пренесе „Бета“.
Во соопштението се вели дека од април до септември 2025 година, во Париз, тие фрлале зелена боја врз „Музејот на холокаустот“, неколку синагоги и еврејски ресторан, лепеле налепници „со „геноцидна“ содржина“, поставувале свински глави во близина на исламски верски објекти и поставувале бетонски „скелети“ со пораки пред Бранденбуршката порта во Берлин.
Министерството за внатрешни работи на Србија пишува дека нивната цел била да ги прекршат основните човекови права и слободи гарантирани со општоприфатените правила на меѓународното право и ратификуваните меѓународни договори на територијата на Франција и Германија врз основа на разлики во расата, бојата на кожата, верската припадност, националноста и етничкото потекло.
„Исто така, нивната цел беше да шират идеи што заговараат и поттикнуваат омраза, дискриминација и насилство врз основа на разлики во личните карактеристики на одредени групи луѓе“, наведува Министерството.
Во соопштението се вели дека „постојат основи за сомневање дека М.Г., кој е во бегство, дејствувајќи по инструкции на странска разузнавачка служба, организирал и обучил група српски државјани на територијата на Србија – Д.М, Б.Ѓ, П.Ѓ, Н.Ќ, А.С, Д.М, Ф.П, А.Б, Ѓ.П, Н.Ж, С.П, Н.С, Н.Д. и А.М, а бил потпомогнат од К.С.“
ИЗДВОЕНИ
Орли летаат, кучиња лаат, кампањата си врви!
Ќе правиме ајвар со турски пипер, а домашниот ќе остане за индустријата
Македонска репрезентативка влезе во ВНБА-финале и собори рекорд во најсилната лига
ГОРАН МАРКОВСКИ, НЕЗАВИСЕН КАНДИДАТ ЗА ГРАДОНАЧАЛНИК НА ГРАД СКОПЈЕ: Стоп за деструктивната градежна еуфорија и нарачани ДУП-ови
