„Србијо, разбуди се!“ Антивладини протести во десетици градови во земјата/ВИДЕО

Антивладини протести „Србијо, разбуди се“ се одржуваат во десетици градови во Србија и на неколку локации во Белград. Тие беа најавени на социјалните мрежи, а протестите ги повикаа студентите во блокада кои со месеци ги блокираат високообразовните институции во Србија.

Студентите во блокада ги повикаа граѓаните да излезат на улиците вечерва откако поддржувачите на СНС нападнаа мирни демонстранти во Врбас и Бачка Паланка. Најавени се собири низ цела Србија, а како локации беа наведени просториите на СНС, како и полициската управа. Групи од неколку градови, исто така, покануваат на протести.

Тие на својот Инстаграм профил напишаа: „20:00 часот. Разбудете се“. Студентите во блокадата го објавија точниот список на локации и времиња на собири во Белград и низ цела Србија.

 

View this post on Instagram

 

A post shared by Samoorganizovana grupa studenata – Blokada (@studenti_u_blokadi)

Протести започнаа во неколку градови, полицијата спречува судири

Неколку десетици граѓани се собраа на протест во Чачак, но полициските кордони не им дозволуваат да се приближат до просториите на Српската напредна партија (СНС), јавува агенцијата Бета. Неколку десетици членови и симпатизери на партијата со српски знамиња се собраа пред просториите на СНС. Пред просториите на СНС во Горњи Милановац се одржува граѓански протест, додека поддржувачите на владата одржуваат контра-митинг, објави Н1.

Српскиот претседател Александар Вучиќ им се обраќа на поддржувачите на Српската напредна партија на улицата Кнез Милош во Белград, јави Н1.

На протестот во Нови Сад се случил инцидент, а анимките покажуваат како демонстрантите ги гаѓаат со пиротехнички средства. Протестот во Нови Сад моментално се одржува пред канцелариите на Српската напредна партија (СНС).

Неколку граѓани беа повредени по инцидентите пред канцелариите на Српската напредна партија во Нови Сад.

Телевизијата Н1 претходно објави дека во Нови Сад е организиран протестен марш, и дека крајната цел на собраните граѓани е да пристигнат пред главните партиски канцеларии на СНС.

Овие протести доаѓаат по вчерашниот протест во Врбас каде дојде до судир, откако приврзаници и членови на Српската напредна странка нападнаа граѓани и студенти со пиротехнички средства, камења, шишиња и метални предмети.

Еден од жителите на Врбас се здобил со повреда на ногата, за која рече дека се случила додека „напредците“ фрлале со пиротехнички средства кон насобраните граѓани.

Gađaju nas pirotehnikom pic.twitter.com/l88qRJaRgh

— Gorica Nikolin (@fruska_gorica) August 13, 2025

На протестот во Врбас беше погоден и помошник снимател на Н1 со два камења – во стомакот и во рамото.

Тензии вчера имаше во Белград, Нови Сад, Ниш и Крагуевац.

Директорот на полицијата, Драган Васиљевиќ, изјави дека полицијата синоќа спречила големи судири меѓу граѓаните, што резултирало со повредени полицајци и граѓани, додавајќи дека неколку лица се приведени.

„Не заштитувавме група, туку го заштитувавме јавниот ред и мир, не дозволивме судир меѓу граѓаните“, рече тој.