Izvor: Video Danas

Демонстрантите се собраа вечерва во неколку градови во Србија, протестирајќи против, како што велат, синоќешното насилство. Собраните пред просториите на СНС во Нови Сад ги демолираа просториите на таа партија. Собири има во Белград, Краљево, Шабац, Чачак, Ужице, Лесковац, Смедерево.

Протестот „Вечерва пукате по шевовите“ во Белград вечерва се претвори во драматични сцени пред Генералштабот и на улицата Кнез Милош, каде што пиротехнички средства беа испукани врз граѓаните кај Генералштабот, а солзавец беше фрлен во Нов Белград.

Демонстрантите и полицијата вечерва се судрија и во Нови Сад. Околу 22:35 часот, полицијата почна да ја потиснува толпата, при што беше фрлен солзавец. Во еден момент, група демонстранти се упати кон полицискиот кордон, а кон полицијата беа фрлени петарди.

Претходно, околу 22:24 часот, беа демолирани и просториите на СНС на улицата Косовска. Полициски службеници пристигнаа на местото на настанот и им наредија на толпата да се разотидат. Дотогаш, униформираната полиција не интервенираше за време на вечерашниот протест.

На улицата „Кнез Милош“ во центарот на Белград избувна тепачка. Сè уште нема детали, но како што пренесуваат српските медиуми бил претепан Пеѓа Митровиќ, парламентарен претставник на опозициската партија „Слобода и правда“. Партијата објави видео на X на кое се гледа главата и целото торзо на Митровиќ покриени со крв. Тие напишаа дека тепачите на Српската напредна партија му ја скршиле главата на нивниот претставник, дека го удриле во главата со шипка и неколку пати во телото, и дека тој е на пат кон болница.

Во Нов Белград, полицијата вечерва неколку пати фрли солзавец за да ги растера граѓаните собрани на улицата Џон Кенеди, каде што се наоѓа општинскиот одбор на СНС, јавува Н1.

По фрлaњето солзавец, демонстрантите се повлекоа кон блиските станбени згради. Полицијата потоа повторно употреби солзавец врз мали групи граѓани на булеварот Михајло Пупин и почна да ги потиснува демонстрантите.

Шабац вечерва исто така е жариште на тензии – пред просториите на СНС беше фрлена пиротехника, при што беа погодени неколку приврзаници на партијата кои стоеле со српски знамиња. Потоа беа фрлени и „топовски удари“, по што најголем дел од нив се повлекоа во објектот. Демонстрантите и седиштето на СНС ги раздвојуваше оклопна полиција.

Во Ниш, граѓаните се собраа пред градското собрание, каде што фрлаа со јајца врз кордони на полицијата, извикувајќи пароли „Уапсете го Вучиќ“, „Спуштете ги штитовите“ и „Дали за ова се школувавте“.

Протестите во сите градови продолжуваат со засилено полициско присуство, а вечерта ја одбележуваат повеќе инциденти и вербални судири меѓу демонстрантите и приврзаниците на СНС.

ИЗДВОЕНИ

ПОВРЗАНИ ОБЈАВИПОВЕЌЕ ОД АВТОРОТ