Српскиот кошаркар Богдан Богдановиќ предвреме го заврши учеството на Европското првенство поради повреда на тетивата што ја заработи за време на второто коло од Групата А против Португалија, објавија од српската кошаркарска федерација.
- На Богдановиќ му е дијагностицирана руптура на тетивата што го спречува да игра во остатокот од Европското првенство. Во договор со клубот на Богдан, Лос Анџелес Клиперс, капитенот ќе биде подложен на интензивна терапија во Соединетите Американски Држави во наредниот период со цел што побрзо да закрепне, се вели во соопштението на Федерацијата.
Србија постигна максимален учинок по три одиграни натпревари на Европското првенство во Рига, а следниот натпревар ќе се игра во денеска против Чешка во 20:15 часот.
