Акција за собирање електронски отпад се спроведе вчера во Кавадарци, отпадот беше селектиран од страна на образовните институции и служби од Општина Кавадарци.
– Електронскиот отпад, што е нефункционален и расипан, наместо да заврши на градската депонија, се наоѓа на соодветното место каде што продолжува процесот на неговата рециклажа – информираа од Кабинетот на градоначалникот Митко Јанчев.
Оттаму додадоа дека ова претставува само прв чекор кон правилно управување со сите видови отпад.
Акцијата ќе продолжи и од почетокот на новата учебна година, кога сите ученици кои дома поседуваат нефункционален електронски отпад, ќе можат да го депонираат во веќе поставените контејнери за електронски отпад во сите образовни институции.
Сето ова се реализира со колективниот постапувач ,,Нула отпад”, со кој Општина Кавадарци има склучено договор за меѓусебна соработка.
ИЗДВОЕНИ
Лозарите незадоволни од цената на смедеревката и на вранецот – во Србија се трипати поскапи
Тројца странски експерти ќе истражуваат дали се правеле непотребни операции за профит
Од реформи чекор по чекор, преку робусна акција, премиерот најави сериозна робусна акција во правосудството
Стариот инвентар и стравот од ќотек спакувани во картонски кутии
