На граничен премин Богородица спречено е криумчарење на 11 златни монети со вкупна тежина од 71 грам и со вкупна вредност од 567 илјади денари. Од страна на Одделението за истраги, против едно лице до Основното јавно обвинителство Гевгелија е поднесена кривична пријава за сторено кривично дело „Криумчарење“, казниво по Кривичниот законик.
Осомничената, македонска државјанка, патувала со автобус на релација Истанбул – Тетово. Златните монети ги сокрила во жолта торбичка ставена во својата чанта, со намера да избегне царинска контрола и да избегне плаќање давачки кон државата во износ од 149 илјади денари.
Благодарение на вниманието и професионализмот на царинските службеници, обидот за криумчарење бил навреме откриен и спречен, по што случајот е предаден на Одделението за истраги при Секторот за контрола и истраги. По преземање предистражни дејствија поднесена е кривична пријава до надлежното јавно обвинителство.
Царинската управа останува посветена на строг надзор и контрола на граничните премини, со цел спречување на криумчарење и заштита на финансиските интереси на државата.
ИЗДВОЕНИ
ОРЦЕ ЃОРЃИЕВСКИ, КАНДИДАТ НА КОАЛИЦИЈАТА ПРЕДВОДЕНА ОД ВМРО-ДПМНЕ: Нема да дозволам Скопје да живее со вакви жаришта на загадување (9)
Живее во бегство, поради закани по животот! Која е Марија Корина Мачадо, добитничка на Нобеловата награда за мир за 2025 година?
Град под златна сенка – Ада Тепе го раздвижи Крумовград, а не ја промени природата
Весникот ВЕЧЕР ве носи во Астана – срцето на Евроазија, град на мирот!
