„СпејсИкс“ на Елон Маск ја нуди својата сателитска услуга „Старлинк“ бесплатно во Иран, откажувајќи се од претплатничките надоместоци за корисниците со приемници во земјата, објави „Блумберг њуз“.
Овој потег доаѓа откако прекинот на интернетот во Иран трае повеќе од пет дена.
На граѓаните денес им беше дозволено да остваруваат меѓународни телефонски повици за прв пат по еднодневна блокада, но пристапот до глобалната интернет мрежа за пошироката јавност останува прекинат.
