Едноставен рецепт за посна проја направена од пченкарно брашно – брзо подготвена, вкусна и идеална за појадок, ужина или лесен оброк, кој нема да ви одземе повеќе од пет минути за подготвка.
Состојки
- 300 г пченкарно брашно
- 100 г пченично брашно
- 1 кесичка прашок за пециво
- 200 мл масло
- 500 мл кисела вода
- 1 лажичка сол
- 2 лажици семки по ваш избор (сусам, лен, сончоглед) – по желба
Подготовка
Подгответе ги сувите состојки:
Во голем сад, измешајте ги пченкарното и пченичното брашно, прашокот за печиво и солта. Ако користите семки, додадете ги веднаш.
Додајте го маслото:
Истурете го маслото во смесата од суви состојки и добро измешајте.
Додајте ја киселата вода:
Постепено додавајте ја киселата вода, мешајќи додека смесата не стане мазна и хомогена.
Истурете во калапи, или тавче:
Истурете ја смесата во силиконски калапи за печење или во поголем калап за леб.
Печење:
Ставете го калапот во претходно загреана рерна на 180°C и печете околу 40 минути, додека пројата не добие златно-кафеава кора.
Совети за сервирање
Посната проја е одлична за појадок, ужина или вечера.
Можете да ја јадете така или со сезонски намази, ајвар, лутеница, макала или салати и чорби.
Ако сакате крцкава кора, печете во поголем калап и кратко пред да го извадите, прелијте малку масло одозгора.
