Парламентарното собрание на Советот на Европа (ПАССЕ) објави дека нејзината делегација од шест члена ќе ги набљудува изборите во Косово, закажани за 28 декември, објави „Бета“.
За време на престојот во Косово од 27 до 29 декември, членовите на делегацијата предводена од Јунус Емре од Турција ќе се сретнат со лидери и претставници на водечките политички партии, вклучително и на малцинските.
Тие ќе се сретнат и со претседателите на Централната изборна комисија и на Комисијата за жалби и приговори на изборите пред денот на изборите, како и со претставници на меѓународната заедница, невладините организации и медиумите.
Правна поддршка за време на посетата ќе обезбеди член на Венецијанската комисија на Советот на Европа, група независни правни експерти.
Членовите на делегацијата ќе одржат прес-конференција на 29 декември, каде што ќе презентираат прелиминарни проценки за изборите, се вели во соопштението.
ИЗДВОЕНИ
Сообраќајките ја чинат државата повеќе од 400 милиони евра годишно, повеќе од целиот армиски буџет
Крената Шенген-рампата и за камионџиите и за автобусчиите
Децата цел на разбојници – ќе се врати ли „маалскиот полицаец“ да нè чува?
Убава вест од Брисел: Професионалните возачи ќе можат да влегуваат во Шенген зоната без да им се бројат деновите за престој!
