Сојузничката на Путин осудена на седум години затвор

Суд во Молдавија ја осуди проруската регионална лидерка Евгенија Гуцул на седум години затвор за пренасочување пари од Русија за финансирање на политичка партија.

„Гуцул е осудена на седум години затвор со моментално извршување, и таа ќе биде однесена во затвор директно од судницата“, изјави нејзината адвокатка, Наталија Бајрам.

Обвинителството побара девет години затвор и петгодишна забрана за вршење јавна функција за Гуцул, која раководи со автономниот регион Гагаузија во Молдавија.

Líder da Gagauzia, Evgeniya Gucul, condenada a 7 anos de prisão. A decisão foi tomada pelo tribunal moldavo, foi considerada culpada por ilegalidade no financiamento de campanha em 2023.
Cuidado o mês de agosto é prisional.#Moldavia pic.twitter.com/tPx3G08Uxj

— Hugo Borges (@hbj_r77032) August 5, 2025

Гуцул е позната по нејзините остри критики кон сегашната проевропска влада во Кишињев и по нејзините чести посети на Москва, каде што се сретна со руски функционери. Таа негираше какво било кривично дело и е на списокот со санкции на Европската Унија и САД за нејзината наводна вмешаност во дестабилизирањето на Молдавија.

Пред пресудата, таа рече дека е подготвена да се бори. Нејзините поддржувачи се собраа пред судот, во присуство на полиција.

V Moldavsku byla Putinova přítelkyně Evgenia Gucul odsouzena k sedmi letům vězení v nápravné kolonii s běžným režimem.

Byla shledána vinnou z nelegálního financování volební kampaně v roce 2023.

Gucul zastávala funkci hlavy Gagauzie (autonomní region Moldavska). pic.twitter.com/f91Fbul2rq

— Lazz Lazz (@Lazikkkk) August 5, 2025

Според обвинението, Гуцул наводно примила големи суми пари од Русија од 2019 до 2022 година за финансирање на кампањата на партијата Шор за изборите во Гагаузија во 2023 година. Таа беше уапсена во март, а нејзиниот притвор беше продолжен неколку пати – таа беше префрлена од притвор во домашен притвор од 30 дена, а потоа вратена во притвор.

Гагаузија, официјално Автономна територијална единица Гагаузија, се наоѓа во јужниот дел на Молдавија и има посебен статус во земјата.