Сојузната американска држава Аризона ја тужи платформата „Тему“ поради сомневање за кражба на податоци од потрошувачите

Американската држава Аризона денес одлучи да ги тужи кинескиот онлајн трговец на мало „Тему“ и компанијата PDD Holdings Inc поради сомневања дека тие прибегнуваат кон кражба на податоци од клиентите, пренесе „Бета“.

Главниот обвинител на Аризона, Крис Мејс, изјави дека апликацијата ги заведува клиентите во врска со квалитетот на своите евтини производи и собира, според неа,шокантна количина чувствителни податоци без согласност на корисниците.

Тие податоци вклучуваат ГПС локации и други податоци од апликациите на телефоните на клиентите.

Според тужбата, обвинителите од Аризона се загрижени дека Тему спаѓа под јурисдикција на Кина, која бара од кинеските компании да ги предадат сите податоци на владата во Пекинг доколку бидат побарани.

Обвинителите исто така велат дека кодот на Тему е дизајниран да избегне безбедносни истраги.

„Може да го следи секое место каде што одите, на лекар, во јавна библиотека, на политички настан, на вашите пријатели во нивната куќа“, рече Мејс на прес-конференција. „Значи, обемот на нарушување на приватноста е огромен и затоа сметам дека ова е веројатно најсериозното кршење на Законот за заштита од измами на потрошувачите во Аризона што некогаш сум го видел во Аризона.“

Мејс рече дека сака државата да ги заштити бизнисите од „укинување во почетната фаза“, тврдејќи дека Тему ја копирал интелектуалната сопственост на брендови, вклучувајќи го и Државниот универзитет во Аризона.

„Тему“ денес ги негираше обвинувањата.

Слични тужби против „Тему“ се поднесени во Кентаки, Небраска и Арканзас во последниве години.