ФОТО: Instagram
Софија Вергара (52) објави на Инстаграм заводлива фотографија од себе како се сонча покрај базен. „Llego el verano!“, напиша таа во описот, што во превод значи „Летото е тука“.
Нејзината објава привлече илјадници обожаватели кои лајкнаа и коментираа, вклучувајќи ја и колешката судијка на „Америка има талент“, Хајди Клум. „Ајде… и јас го правам истото. Се сончам 😛👙💦“, коментираше Клум, на задоволство на нејзините бројни обожаватели.
Софија неодамна беше во центарот на вниманието на медиумите поради нејзината наводна врска со возачот на Формула 1, Луис Хамилтон. Иако неколку пати беа видени заедно, нивната романса, според странските медиуми, не траела долго. Се вели дека Луис го изгубил интересот, а актерката потоа наводно се чувствувала „напуштена“.
Пред тоа, Софија беше во брак со актерот Џо Манганиело, од кого се разведе минатата година.
Во претходните интервјуа, таа отворено зборуваше за своите очекувања во врските. „Сакам да ги кажам основните работи, како што се здравјето и некој што ме сака. И некој што е висок, згоден“, рекла таа тогаш. Таа исто така додаде дека финансиската рамнотежа е важна за неа: „Сакам некој што има иста количина пари како мене или повеќе, бидејќи ако нема, тоа е кошмар. На крајот, тие се навредуваат. Сакам некој што е забавен. Ми треба забава во мојот живот“.
