Со што здраво се храни Ленче Дедејче – ослабела 20 килограми!Сега е дури и секси!

„Ленче дедејче, дали ти јадеш нешто што вака изгледаш прилично ослабено, а феноменално“, прашуваат не само луѓето што ја познаваат популарната пејачка Ленче Кукиќ туку најчесто и нејзините огнени обожаватели.

Па, така според доверливи извори, а достапни за јавноста и за новинарите, Ленче ослабела околу 20 и повеќе килограми, притоа привлекувајќи ги машките очи да ја гледаат и да коментираат. Се разбира, за убаво.

Како тоа ѝ појде од рака на нашата Дедејче, како што нагалено ја ословува публиката. Таа има нови здрави навики: утрото го започнува со чаша обична вода, а појадува дури околу 10.30 часот. И тоа, не појадува што било. Само лесна храна, за да не го оптоварува желудникот уште наутро. Бурекот и сличните јадења се одамна заборавени. За ручек строго избегнува да меша различни видови храна. Ако, на пример, јаде компири не ги меша ни со што друго, а воопшто не со лебот или со месото што не ги сака. Сезонските салати полни со витамини се секогаш присутни за ручекот. Последниот оброк ѝ е некаде после 17.30 часот. Пред спиење никогаш не јаде. Нагласува дека тоа е убиствено за телото, за мислите, за енергијата.Нејзината неверојатна физичка трансформација се забележува, што се вели, „од авион“. Таа честопати дома ги споредува фотографиите од некогаш кога имаше плус 20 килограми и сега кога тие килограми ги стопи. Со силна волја. Сега изгледа многу подобро од кога било. Секси, што е вистина, е вистина!

Со значително ослабена фигура, освежена и дискретно шминкана.

–И за да ослабиш треба да ја поседуваш љубовта. Таа е најважното нешто во нашиот живот, додека дишеме и се движиме. Насекаде да е присутна и во музиката, во семејството, во бракот, во комуникациите со соседите, со роднините, со публиката.

Ленче е во право.Таа долги години живее во хармоничен брак со пејачот Горан Кукиќ. Нивниот син, Иван Кукиќ, исто така тргна по нивните стапки. Успешно свири во „Триото на Влатко Стефановски“, а со тоа, ова популарно струмичко семејство знае кој им е најдобриот избор!   (Д. М.)