Француската тенисерка Лоис Боасон го живее сонот на вториот сезонски грен-слем турнир. Французинката, која е 361. на ВТА листата, се пласираше во полуфиналето на Ролан Гарос, совладувајќи ја шестата носителка Мира Андреева со 2:0 на преполниот „Филип Шатрие“.
Боасон влезе на турнирот со вајлд-карта, а сега стана првата Французинка по Амели Моресмо (Вимблдон 1999) што стигнала до полуфинале на грен-слем пред 26 години, а првата во историјата на Ролан Гарос што тоа го направила на деби, по Моника Селеш и Џенифер Капријати во 1989.
Со овој настап Французинката скокна за 296 позиции на ВТА листата и сега е 65. во светот, што е највисок пласман во кариерата. Од наградниот фонд во Париз заработи 690.000 евра, петпати повеќе од вкупната заработка досега во кариерата (130.000 €).
Минатата година го пропушти Ролан Гарос поради тешка повреда на лигаменти, но се врати преку ИТФ и ВТА 125 турнири. На својот премиерен настап на елитниот турнир во Париз, Боасон навистина блесна.
„Ова е неверојатно. Минатата година не знаев дали ќе се вратам на теренот, а сега сум во полуфинале на Ролан Гарос. Благодарна сум на мојот тим и на сите што веруваа во мене“, изјави таа емотивно по мечот.
ИЗДВОЕНИ
Се враќаат дома! Последните двајца пациенти повредени во пожарот во Кочани по лекување во Србија се отпуштени од КЦС
Охрид SOS: Огромен објект никнува во Охридската чаршија, овде секој прави што сака!
Раздавање за душите, жед за правда – Кочани ја одбележува најтажната задушница
Онкологија во сенка на скандалот – лекови стигнуваат, но довербата не се враќа
