Со нови ископи за вода Општина Петровец го решава проблемот со водоснабдувањето во населените места.
Од Општината информираат дека во населеното место Сушица е направен нов ископ за вода, со капацитет на проток на вода од 80.000 литри за 24 часа.
– Следува период за испитувањето на исправноста и квалитетот на водата, по што водата од овој ископ ќе се приклучи кон постојната водоводна мрежа – соопштија од Општина Петровец.
Оттаму додаваат дека веќе се започнати активности за правење уште еден ископ, кој би го решил проблемот со недостигот на вода во овој период од годината и во населените места Блаце, Бадар, Кожле и Тотинци.
