Илон Маск е познат по своите критики кон државната помош, честопати нарекувајќи ја „социјализам за богатите“. Сепак, неодамна протечените документи покажуваат дека неговата компанија SpaceX со децении има огромна корист од владини средства.
Иако се претставува како приватен иноватор кој самостојно финансира револуција во вселенската индустрија, SpaceX голем дел од своето работење го базира на договори со американската влада и даночни олеснувања што им овозможиле да избегнат плаќање даноци, дури и кога генерираат приход.
Според интерните документи објавени од New York Times, SpaceX користи даночен механизам што им овозможува да избегнат плаќање данок на доход, потенцијално засекогаш. Клучот лежи во 5 милијарди долари загуби акумулирани до 2021 година.
Благодарение на промената на даночниот закон од 2017 година, спроведена од тогашниот и сегашниот претседател Доналд Трамп, компаниите сега можат да ги пренесуваат тие загуби на неодредено време и да ги користат за да ја намалат идната даночна обврска. SpaceX е една од компаниите што ја искористи целосно оваа можност.
Во документите презентирани на инвеститорите, раководителите на SpaceX отворено изјавија дека е „поверојатно отколку не“ компанијата да не ги исполни своите даночни обврски, со други зборови, дека нема да плаќа даноци.
Таквиот јазик обично го користат компаниите кои бележат постојани загуби, но SpaceX не е класичен пример. Компанијата бележи многу приходи, особено од владини договори, што ја прави оваа стратегија уште поконтроверзна, пишува Курир.рс.
