Метеоролошкиот сервис „Severe Weather Europe“ ја објави својата најнова прогноза за снежни врнежи за Европа, која годинава има побавен почеток на снежната сезона.
Црвената боја на мапите не значи дека воопшто нема да има снег, туку дека се очекува помалку снег од вообичаеното.
Просечната сезонска прогноза за Европа (декември-февруари) покажува подпросечни снежни врнежи низ поголемиот дел од континентот, при што главните снежни зони се поместени кон север.
Сепак, во споредба со прогнозата од претходниот месец, има одредено подобрување. Најновите пресметки предвидуваат повеќе снег над централните делови на континентот и делови од Велика Британија и Ирска.
Декември носи претежно негативни аномалии, освен на далечниот север. Помалку снег на поголеми надморски височини укажува на проблем со недостаток на врнежи, а не нужно високи температури.
Не се очекува подобрување и во јануари. Поголемиот дел од Европа ќе има помалку снег од просекот, иако може да има повеќе на југоисток и на далечниот север.
Февруари покажува малку помал дефицит на снег во споредба со јануари. Важно е да се напомене дека црвената боја на мапите, која укажува на дефицит, не значи целосно отсуство на снег, туку помала количина од вообичаеното.
Бидејќи за сигурни прогнози се користи повеќе од еден модел, освен претходниот на Severe Weather Europe, анализирани се и податоци од системот за долгорочно предвидување на UKMO. За Европа, овој модел предвидува прилично слаба сезона на снег, слична на ECMWF.
Поголемиот дел од континентот ќе има подпросечни количини на снежни врнежи, освен во далечните северни региони. Сепак, најновите пресметки покажуваат подобрување во споредба со минатиот месец, веројатно под влијание на стратосферското затоплување.
За декември, UKMO предвидува и поизразени негативни аномалии, што дополнително ја потврдува веројатноста за побавен почеток на сезоната на снег. Јануари носи одредено подобрување во делови од централна Европа. Февруари повторно го намалува потенцијалот за снег.
