Првите обилни снежни врнежи оваа сезона во Алпите затворија неколку планински патишта и го нарушија сообраќајот во делови од Швајцарија, Италија и Франција.
До 20 сантиметри снег паднаа во Швајцарија во саботата на надморска височина над 2.000 метри, што ги натера властите да затворат голем број важни планински превои. Според Швајцарскиот туристички клуб, превоите Фурка, Готхард, Гримсел, Нуфенен, Прагел, Сан Бернардино и Сустен беа затворени од безбедносни причини.
Овие делови обично се затворени во текот на зимата, вообичаено од ноември до мај или јуни.
Снежните услови предизвикаа и сообраќаен метеж, особено пред тунелот Готхард, каде што патниците чекаа до час и половина во правец југ и до час и 20 минути во правец север. TCS препорача користење на алтернативна рута преку тунелот Сан Бернардино. Федералниот институт за метеорологија и климатологија (Метео свис) прогнозира дека дополнителни врнежи од снег ќе има на границата помеѓу 1.600 и 2.000 метри, особено во централните Алпи. Овие снежни врнежи се резултат на таканаречениот висински минимум, наведоа од „Метео свис“.
Sterke sneeuwval zorgden de afgelopen 12 uur voor verse sneeuw op de hoger gelegen centrale Zwitserse en aangrenzend Italiaanse Alpenwegen. Nadat de #Furka– en #Nufenenpass al waren afgesloten onderging de #Gotthardpas met 20 tot 30 cm sneeuw eenzelfde lot. Bijzonder… pic.twitter.com/WcNKuAfBfe
— Johanns (Alpen)weer @johannsalpenweer.bsky.social (@Alpenweerman) September 27, 2025
