Снег и мраз ја оковаа Европа, температури до минус 30 степени: За студ се подготвува и Балканот!

Ледена воздушна маса од северна Европа продре низ централните региони и Алпите на запад и југозапад од Европа и Апенинскиот Полуостров и го продолжува своето патување кон Балканот и нашиот регион.

Снегот и мразот во голема мера ја зафатија Скандинавија. Температурата во Лапонија падна под -30 степени, додека во крајбрежните региони на запад и северозапад од Норвешка падна над половина метар снег.

Ледениот воздух стигна и до централна Европа и Алпите, со обилни врнежи од снег. Температурите се под 0 степени, во алпскиот регион под -10.

Многу студената воздушна маса стигна и до Атлантикот, а по преминувањето на Северното Море, студената воздушна маса носи снег во крајбрежните делови на Британските острови на исток. Температурите се само неколку степени над 0°C.

Студ ги зафати и Шпанија и Италија, а снег вее на Пиринеите и северна Италија.

Денес се очекуваат над 30 см снег на Алпите и Пиринеите, а границата на снегот на Алпите ќе се спушти до низините.

Во овој момент, ледена воздушна маса долж алпскиот регион се шири кон Балканот, а снег веќе паѓа во Словенија и северозападна Хрватска.

Првиот ден од викендот ќе донесе бран многу обилни снежни врнежи од Словенија преку Хрватска до Босна. Се очекуваат 10 до 30 см снег, локално и повеќе.

Снег ќе ги покрие низините, па дури и градовите, а на некои места се очекуваат повеќе од 20 см снег. Температурите ќе паднат и под 0°C. Снег ќе ги покрие Љубљана, Загреб, Бања Лука, Сараево и многу други градови.

Силни врнежи од дожд со грмотевици се очекуваат во Јадранскиот регион, а најобилни врнежи од дожд ќе има во јужна Далмација, јужна Херцеговина, Црна Гора, Македонија, Албанија и западна Грција. Во овие области се очекуваат од 100 до 300 литри дожд на квадратен метар, со поплави и поројни дождови.

Какво време не очекува следната недела?

Времето во Македонија во деновите од викендот ќе се задржи променливо облачно  со повремени врнежи од дожд. Во сабота наместа врнежите ќе бидат пообилни (над 40 l/m² за 24 часа), локално во форма на невреме со засилен ветер и појава на грмежи.

Во недела поради продор на постудена воздушна маса на повисоките планини врнежите од дожд ќе преминуваат во врнежи од снег. Во понеделник и вторник утринските температури значително ќе опаднат. Нови локални врнежи од дожд се очекуваат кон средината на следната седмица.