„Смрт за диктаторoт!“, улиците одѕвонуваат, хаосот се шири: Најмалку 12 лица загинаа во протестите во Иран при судири со припадници на безбедносните сили/ВИДЕО

Спорадични протести избувнаа во Техеран и десетици други градови низ Иран, додека судирите на западот од земјата ескалираа и одзедоа најмалку 12 животи.

Локалните медиуми објавија спорадични протести во иранската престолнина во саботата навечер, додека судирите на западот од земјата се интензивираа.

Демонстрациите првпат започнаа минатата недела во недела, кога трговците штрајкуваа поради економски проблеми, но оттогаш се проширија по обем и интензитет, а демонстрантите покренаа и политички барања. Според пресметката на АФП, врз основа на официјални изјави и медиумски извештаи, протестите зафатиле најмалку 40 градови, претежно средни по големина, претежно лоцирани на западот од земјата, во различен степен.

Според бројката базирана на официјални извештаи, најмалку 12 лица се убиени, вклучувајќи ги и безбедносните сили.

Протестите во Техеран во саботата навечер беа опишани како „ограничени“ од страна на новинската агенција Фарс, која соопшти дека „главно вклучувале групи од 50 до 200 млади луѓе“.

Техеран има население од околу 10 милиони.

Демострациите беа пријавени во областите Новобат и Техеран Парс на исток од главниот град; Ектебан, Садегие и Сатархан на запад; и Назијабад и Абдолабад на југ, соопшти Фарс.

Демострантите извикуваа слогани како „смрт за диктаторот“, соопшти Фарс, но освен фрлање камења и палење канти за ѓубре, не беа пријавени поголеми инциденти.

Агенцијата соопшти дека ситуацијата во Техеран е „во спротивност со ескалацијата на насилството и организираните напади во други региони, особено на запад од земјата“.

Во Малекшахи, округ со околу 20.000 жители со значително курдско население, еден член на безбедносните сили беше убиен во судирите, објавија иранските медиуми во саботата.

„Бунтовниците се обидоа да упаднат во полициска станица“, соопшти новинската агенција Фарс, додавајќи дека „двајца напаѓачи се убиени“.

Извештаите на локалните медиуми за протестите се нецелосни, а државните медиуми го намалија обемот на нивното известување за демонстрациите, додека бројните видеа што ги преплавуваат социјалните медиуми честопати e невозможнo dа се потврдат.