Славниот готвач, жртва на застрашувачка измама: По пријава за пукање, домот на Гордон Ремзи опколен од полиција

Полицијата го опколи домот на познатиот готвач Гордон Ремзи по повикот дека во неговиот дом имало пукање, пренсеува Стандард.

Познатиот кулинарски мајстор е жртва на измама која им се случила на бројни познати личности.

Во вторникот во 20:40 часот, полицајците се упатиле кон вилата во Калифорнија каде живее Гордон Ремзи со своето семејство.

Ги повикало неименувано лице кое кажало дека слушнала истрели во куќата.

Полицијата во Лос Анџелес брзо сфатила дека се работи за измама.

Соседите потврдиле дека немало истрели, а извор за „ТМЗ“ изјавил дека Гордон Ремзи (58) во тој момент не бил дома.

Полицијата ова го припиша на уште еден инцидент со „свочирање“ – лажен повик до службите за итни случаи наменет да предизвика реакција.

На овој начин, полициските сили се оддалечуваат од нивната работа додека одат на местото на лажна тревога, можеби ќе бидат многу повеќе потребни на друга локација.

Тоа може да има големи последици, но и да донесе трагичен крај.

Според „Жена Блиц“, пред осум години, полицијата го уби свештеникот Ендрју Финч, откако добила дојава дека во неговата куќа има заложници.

Гордон Ремзи се уште не се изјаснил за овој немил инцидент, покрената е истрага, а никој досега не е уапсен, пишува британски „Сан“.

На почетокот на овој месец, Ники Минаж беше жртва на таква измама, по дојавата дека во нејзиниот дом имало пукање.

Том Круз доживеа нешто слично во 2013 година поради повикот дека се случил вооружен грабеж во замокот на актерот.

Ријана, Џастин Бибер и Крис Браун се на листата на оние кои го доживеале „swatching“ алармот.

Домот на републиканската политичарка Ники Хејли беше претресен минатата година по лажен повик во Јужна Каролина.

Соработниците на Доналд Трамп беа соочени со закани за бомби и разни други прозивки во 2024 година.